Sunday, September 08, 2013

235. Ummeed


gin ginke savere utaare
ek tu hai ki aata hi nahin

chun chunke andhere guzaare
aakhir tu aata kyun nahin

aa jaa
saath apne
thoda ishq tu laa de
thode ashq bhi laa de

apni jaan ganwaa doon
thoda ishq to laa de

---

ulta latka gaya tha, parda ye aasmaan ka
taare jhadne lage hain, aashiyaan jal gaya hai
phir bhi dar pe jame hain, sard raaton ke teele
aag lagti nahin hai, dard jalta nahin hai

jahaan raatein padi hain, thodi aanch badhaa de
zaraa ishq chadaa de, thode ashq jalaa de

---

jitne lamhe the saare, sadiyon me bah gaye hain
yaadon ke kuch nishaan hai, ghaav se rah gaye hain
aise me ab tere bin, saans bharna bhi gam hai
saath jee na sake to, saath mar le - kya kam hai?

jahaan zakhm pale hain, aake ashq lagaa de
ab to jaan ganwaa doon, thoda ishq to laa de

---