Friday, August 11, 2006

De do na!!

mutthi bhar roshni kar do soone se sehar me
chutki bhar chandni bhar do beraham dopahar me

aadhi hi sahin labon ko muskaan de do
sooni zindagi ko thodi si jaan de do

ek sadi ki nahin ek ghadi hi sahin
do kadam aasmaan aaj hamko yahin
de dona
...............................................................

sooni aankhon me armaan chidak jao
thahre dil me tum aake dhadak jao

boond kaafi hai ab doob jayega dil
chahaton, boond banke tapak jao

hai raahi ko bhi raaste ki khabar
aye rasta, ab tum khud bhatak jao

chup se honthon ko do chaar alfaaz de do
kabse baithe hain, ab humko aawaaz de do

umr bhar ke safar ka iraada nahin
do ghadi do kadam waise zyada nahin
de dona
...................................................................
subah baat karke dhuaan chod jao
jalte aasamaan pe ruuii odh jao

ruaa sa aasmaan ruaansa aasmaan
baras jaaye to thoda sa tod jao

seedhi lakeeron pe chalta hain waqt
aage rasta phir yahin ko mod jao

bewaqt bevajah kabhi dastak to de do
saath mera kabhi agle pal tak to de do

khokhle khaab kabhi nazar se guzarte nahin
tum waqt deke aankhon me thaharte nahin
de dona
.....................................................

Sunday, August 06, 2006

Sooni si raatein

Ok now this is a different attempt... someone I donno came up with the situation below n the song dat follow is written by me...

hi bhai log....bahut dino baad ayaa hoon..ek nayee situation k saath....lez c dum ataa hai ya nahi....
it consists of two scenes....
the first scene is .koi daakbangla hai..some hilly area.raat ka waqt....this boy is sittin alone in a room....age btwn 22-25...lights are switched off..ek table lamp jal raha hai...ladka table par hi sir jhukaaye baitha hai...writin somethin...then he relaxes in the chair...apne haath se baal peechay karta hai....table se lagi hui khidki k baahar dekhta hai...but its winter night...and its unclear outside...he lifts himself up frm the chair....searches for something...and finds nothin on his desk...then searches for somethin in his kurta's pocket...and finds a ciggrt pakt...smiles....then looks for lighter..fumbles in the drawer...finds nothin....hits the table with his fist...and says...."badluk....badluk..."
rises suddenly.....and plays a song...voice of beghum akhtar fills the cold air of the room...ghazal plays"dekh to dil ki jaan se uth ta hai..yeh dhuan sa kahaan se uth ta hai...."..boy strolls to the balcony...looks down in the street...neechay aag jal rahee hai...koi baitha hua bhi hai...ladkay ki aankhon mein chamak dekhi jaa saktee hai..he puts his jacket on....and goes out....the ghazalis still playyin...

2nd scene:
boy reaches the fire place..ek boodha baitha hua hai wahaan..chaukidar hai ...he is smokin...ladka wahaan pahunchta hai..chaukidaar..chashme ke pechay se use dekhta hai...aur muskurata hai...kursi se uth jata hai...kursi charmaraatee hai....shayad chaukidar ki haddiyaan bhi...par sunayee nahi padhtee...
chaukidaar:kaahe bhaiya....aaj fir neend nahi aa rahee ?
boy:(shrugs his shoulders and smiles...)neend kya daddu....aap ki yaad kheench latee hai... neechay...h ehe he..
chaukidar:badhiya hai....yahi umar hai chaukidar aur kutto ko yaad rakhne ki ...badhiya hai..(boy grins again..)
chaukidar gives him a matchbox...boy lits his ciggrt...and sits beside the fire...
chaukidar: haan bhaiya....ab batao...kaa karat rahel ba itni raat ? ehaan to jaade se haadh kaampe jaate hain...
boy:kuch nahi ....daddu...chithi likh rahe the..tum kaho to tumhaare liye bhi likh dein...amma ko?he he he...(boy winks and laughs)...
chaukidar:thitholi....humse...are koi ghar par hoti to hum nahi aate yahaan sahar maa..tumhaara biyaah ho gaya bhaiya?
boy:kahaan daddu....hum bhi tumhaare jaise hi hain....dekho itna padh kar bhi kya fayda...hum bhi aap ke saath hi baith te hain..biyaah bhi nahi hua..h ehhee...
chaukidar: are to tumhaaree kaun umar ho gayee...ho jayegaa...bol do mathaarii (mother)se.
karay dengi jhat se...
boy:(thinking)....aise kahaan hota hai daddu...thitholi ki baat aur hai....
(ghazal jo upar kamre mein chal rahee hai..uski awaaz suni jaa saktee hai...)
chaukidar:ee kaaun ganaa hai....koi mujra-ujra hai kaa...hum jab ladka rahe to gaon mein saadi biyaah mein atee thee ganaa wali....tab sune rahe....aisa hi kuch farsi mein gaat rahee sasuree...he hehe...(chaukidaar ki aankhon mein ladak pan ki kuch shararatein timtima gayeen..jo shayad usne ki hoon par bolta nahi ho....al of his red,tobacco spoiled teeth are visible.....)
boy:kya baat hai daddu....yeh shauk bhi farmaate the....wais ye mujra nahi...ghazal hai...khair aap choro....aap k liye mujra hi sahi...acha ye batao ....chai ka kuch intezaam hai...?
chaukidar: haan hai naa...laate hain....uth kar jataa hai...
boy:dekh kar....aur chai hi lanaa.....desi mat utha lana ..he ehhe...
chaukidar leaves and boy smokes....dhuen ke challe bante hain aur aag ke dhuen k saath mil jaate hain..
chaukidar ..returns...with a cup of tea...ladka le leta hai....
boy:to daddu ...ghar par maan kab tak rahee...
chaukidar: bahut chota raha hum....tab hi chal basee...bahut maar khatee the huamaraa baap se...
boy:hmmmm....tum bachaate nahi the?
chaukidar:are kaha naa..bahut chote rahe hum...tuhaar mthaaree ka jaane kaisa hiya hai....itni pyaree batein karte ho...kaaise chor deti hai tumhe?
boy:ab hogee to chodegee naa daddu....
chaukidar:hey ram....etna umar mein maa nahi rahee?kaa baat kar rahe ho?
boy:haan dadu....khatam ho gayee....
chaukidar:ch ...ch...ch...bahut kharaab baat hai...tab hi aisee umar se badi baat karte ho..
boy:(a bit sad.....yet smiling...)aisa?theek hai ab bache jaisa baat kareingay...
chaukidar:kab khatm ho gayeen...
boy:ho gayee bas...ab kab hui ...is kaa kya karein....aise hi khatm ho jatee hain maayein ....apne ladko ki shaadi k sapne dekhte hue....unke marne ka koi wqt nahi hota daddu....
chaukidar:(puzzled.....scratches his head...)pata nahi kaa bol rahe ho...(beedi jalataa hai)
boy:(stands up....starts walkin....)chaloon dadda ..ab neend aa rahee hai..
chaukidar is in his deep thots...dun lstens...
boy comes to his room.....and reads a letter ....shayad us ki maan ka letter hai...tries to luk again out of the window..but there is fog again....
now i want the lyricst to write a song for this boy.....and his solitude...

----------------------------------------------------------

And this is what I wrote:

Sooni si raatein hain saja de koi
Beeti jo baatein hai bujha de koi

Koi aake
Aankh bhar de
Aaj kar de itna to zara…
………………………………
dheemi aanch pe zindagi chadhake
har raat peete hain pyale do pyale
raatein guzaare dhuaan udake
lagte nahin aankhon pe taale

dhundhule shab hain adhkhule lab hain
bade beraham hain yeh sab besabab hain

pyaale me phir pyaas bharna nahin hai

Koi aake
Aankh bhar de
Aaj kar de itna to zara…
............................

Awaaz dete bhi hain ham agar to
aasmaan ke us paar jaati nahin hai
peeli si khat ka jawaab dene ko
khamoshiyaan likhi jaati nahin hai

kitne sawaal aankhon me pale hain
baaton me gumraah karne chale hain

usi raah me phir thaharna nahin hai

Koi aake
Aankh bhar de
Aaj kar de itna to zara…
...............................

Saturday, August 05, 2006

aapke liye

kabhi kisi ajnabi se umr bhar ke liye takrate hain
par jo hai usko ham koi naam dene se katrate hain

dost kahna chahte hai, par yeh naam to kaafi nahin
har kisiko bas dost kahe kya yeh naa-insaafi nahin?

-----------------------------------------------
On the eve of friendships day!
Dedicated to sweet accidents!

Khabar

Raat dhale to khabar hai
Saans chale to khabar hai
Aag lage to khabar hai
Khaab jale to khabar hai

kahin zindagi pal rahi hai, khabar hai
kahin zindagi tal rahi hai, khabar hai
kabhi jaan me jaan aati hai, khabar hai
kahin se jaan nikal rahi hai, khabar hai


Har kone me koi na koi khabar pak rahi hai
Har aankh nayi khabar ko besabar thak rahi hai
Potli me, chalo, thodi aur jalti raat phenk le
Kal isi garam khabar pe apne haath senk le

Duniya ke parde pe roz naya tamasha lagta hai
Khabar ke libaas me dard roz hame thagta hai
Koi khabar khareedta hai, dard bikta hai baazaar me
Apni zindagi kahin bhool gaye, talaash hai ab akhbaar me

----------------------------------------------------------------
Sorry for makng it sound like -"No news is good news"!!