nikle the kis taraf, aur ham yeh kahaan pahunche
aise me bataaye kya ke kahaan ko daastaan pahunche
pata to diya nahin, bas nishaan mile paanv ke
peecha karte karte tera, ab ham aasmaan pahunche
kitne betaab se nikle the, aur tum mile kuch ho gaya
is liye to tere dar, hairaan-o-bezubaan pahunche
raat karvat leti hai itni, lamhon pe shikan se bane
beraham se tum jo banke aankhon ke mehmaan pahunche
hamaare kooche me bhi aakar, alfaaz chidak jaao kabhi
khamoshi ko aaraam mile, labon pe muskaan pahunche
kuch hai tum-me ke har dil hai ghulaam tera
bas tere aashiq mile, ham jahaan jahaan pahunche
ab deewane se teri aahat pahanke nikalte hai ham
kahaan ko nikle the ham aur ab yeh kahaan pahunche
No comments:
Post a Comment