Tuesday, December 18, 2007

mulaqaat

aaj bhi main intezaar karti hoon
jaise pehle karti thi!

haan,
mulaqaatein ab ek arse se khafaa hain
par bahaane to ab bhi ugte rahte hain
aur ummeed bedaar si tahalti rahti hai

mere khayaal
baar baar tumhari baatein duhraate rahte hain
kuch puraani shaamon ki tasveerein liye

tere chehre sa kuch mil jaaye
to uske peeche tere kooche me pahunch jaate hain

kabhi kabhi raahon me
tere kadmon ki aahat-o-nishaan mil jaaye
to unhe dekhne
wahin ruk se jaate hain

aaj kal tum khayaalon me nange paanv kyun aane lage ho?!

No comments: