Tu roo roo roo ;)

Koi aaye bin bulaye din dubaaye jaaye haye
Koi aaye muskuraye dil churaye jaaye haye
har ek ghadi aaye
leke rangeen saaye
paas mere mandaraye
aur yahi gaaye jaaye

Oye guru hoja shuroo
tu bhi gaale too roo roo roo
------------------------------------------------------
Dil galte rahenge jamte rahenge
Pal chalte rahenge thamte rahenge

Saaz sunte rahenge bajte rahenge
khaab bunte rahenge sajte rahenge

Har shab aur har sahar
yeh sab yunhi bekhabar
bante rahenge bujhte rahenge
aise hi hubahu
oye guru hoja shuroo
tu bhi gaale too roo roo roo
------------------------------------------------------

(Ok, That is a combination of high spirits & Siddhu influence)

Aaj phir andhera...

Aaj phir andhera chupke se tere sang nikal raha hai
Bas ungli ke choo jaane se, har ang kyun jal raha hai

Bahane se khaab choone ko kabhi karvatein main le loon
Sargoshi kar jaaon kabhi, natkhat si aahaton se kheloon
Khamoshiyaan jalte dekh har lamha tang sa chal raha hai
Aaj phir andhera chupke se tere sang nikal raha hai

Tere gaal pe haule haule ugte hai kaante
Gardan pe mere, raat bhar chubte hain kaante
Tang hoke toka tha kabhi, ab bhi jang si chal rahi hai
Aaj phir yeh raat chupke se tere sang nikal rahi hai

Roz boondein baraste hain, aaj do aur baras jaaye
Raatein bujh bhi jaaye, ankhon me aahein bas jaaye
Khidki pe tanga gagan ab rang badal raha hai
Aaj phir andhera chupke se tere sang nikal raha hai



(for You-know-who...!)

Banjar hain

Banjar hain ... aankhen yeh banjar hain
ab to nazar bhi veeraan si soojhe
bas kaante se manzar hain
aankhen yeh banjar hain
.............................................
neend uge na.. khaab khile bhi to kaise
dhoop bujhe na..raat mile bhi to kaise
dhoondh dhoondhke laaye raatein bhi to sukoon mile na
raatein yeh khanjar hain
aankhen yeh banjar hain
............................................
kitne bahaane boye
kitne dafaa ye roye
meri thaki thaki si aankhen
sookhi sookhi si aankhen
sui jaisi aansoon kitni chupke hai baithi kahin
rookhi si ye aankhen ab to chubti hain bahti nahin
ret ude ankhon me mere din-raat kabhi ye thame na
yaadein bavandar hain
aankhen yeh banjar hain
...........................................

Pakhiyaan sang dil na rakhiyaan!!

Pag parchaiyan baandhe na pakhiyaan
kaun jaane kaun baras pakhiyaan ud jaave

Pakhiyaan sang dil na rakhiyaan sakhiyaan
jaane kab yun baras baras ankhiyaan chad jaave
Haye sab pakhiyaan ud jaave

........................................................................
kauno bhi ungli se ud na paave
pankh bhi ungli se ug na paave

udan jaave subah, mann saanjh thakiyaan
raina ke pal-pal, naina ke jal, haye takiya lad jaave
Haye jab pakhiyaan ud jaave

........................................................................
kauno bhi pankh tale chaanv na paave
dil me bas din hi jale, saanjh na aave

phoonke se mann kabhi bujhe na sakhiyaan
chulha jiya ka phoonke to raakha chakhiyaan pad jaave
Haye jab pakhiyaan ud jaave


( I know must be thinking...
Coarse choice of words
Hoarse noise of birds

Just a lesson learnt; never get used to things/people, around only for a while!)

Chali ve

chali ve chali ve
chali manchali ve

dhundhula mausam bhagane chali ve
jahaan chila marham lagane chali ve

sookhe aankh, rukhe saakh
tote chhin, khote din
bikhre shab, ukhde sab
peeche chadke chali ve
khud se ladke chali ve

khali man karke chali ve
khalipan dharke chali ve

dhundhula mausam bhagane chali ve
jahaan chila marham lagane chali ve
...........................
tu phir aayega, aasmaan khilega
tu phir jaayega aasmaan chilega

bhauklayi aasmaan bina hi bhali ve

tu phir aayega, aasmaan khilega
tu phir jaayega aasmaan chilega
ise lele,jaane phir kahaan milega

apna aasmaan khud ugaane chali ve
jahaan chila marham lagane chali ve
...........................
maapke saaye pal pal jindagi kaati
dhoop dubaane ghar ghar roshni baati

thaki thaki si lage meri baavri gali ve

maapke saaye pal pal jindagi kaati
dhoop dubaane ghar ghar roshni baati
dhoondhne nikli main to looti-lutai lauti

koi sang phir mann lagane chali ve
dhundhula mausam bhagane chali ve
...........................
chali ve chali ve
chali manchali ve

To Sushma Again!!

Gratitude

Life never asks me where to go
never takes the roads, I seek
Emptiness embraces me;
my heart, a Jigsaw-
the missing pieces eluding my eyes.

Unknown winds greet me & smile;
Seasons I hadn't reached out for!!
Memories adorn the walls,
I never thought of weaving!
Lives, I did not know exist-
now a part of my existence.

I search for a name
for my nameless thoughts
crossing many unfamiliar paths.

Life never asks me where to go
never takes the roads, I seek
takes me down alleys
where I meet sweet accidents

Accidents,
which gift me friends in veiled faces
who name all the wary ideas
that clumsily find their way out of my heart
donning letters of a strange tongue!

Unseen hands paint colors on darkness
Gently putting my thoughts in harness
Weaving a rhythm for my silence
saying li'l but making great sense
Building the pieces of my puzzle for me
Thanking life for what it is
just two words emptying emptiness-
'Ah Life'!!

Thank you, Sravanthi!

Boondein!

Ramya... For you!


daaliyon se tapakti boondein
khidkiyon pe sarakhti boondein
galiyon me chale to bhigoke
mere tan ko chakhti boondein
lakeere kheeche yeh jalti boondein
pairon ke neeche machalti boondein

kare badra
ka yeh parda
rukte chalte
rukh badalte
har taraf udti hai
manzar pe chadti hai
do boond ko ye manzar tarasta hai
saawan me yeh sauda to sasta hai
hawayein choo jaye
to pal me pighal ke
zameen pe barasti boondein
khilkhilake hansti boondein

kaun aasmaan ko nichod gaya
badalon ko baraste chod gaya
roshni mili to boondon ke zariye
saat rangon me ujaale tod gaya
aasmaan pe rang chadhati boondein
badalon ka sang chudati boondein

thak thak thak thak
darwazon pe dastak
dete hi jaaye
natkhat hawaayen
darwaazein khole
to aawaazein bole
jaise ye taane suna rahi hain
ya tiptip taraane bana rahi hain
kaliyon pe taal bajati boondein
galiyon me jheel sajati boondein

Fleeting Thoughts!

I still rule the dark domain of life where confusion prevails
Faces n shadows, none to help me wade o'er these travails
sometimes I wonder- do I lead a life or does Life lead me
though I need to decide thngs, the decisions don't need me
I tread by the holes on the way, where many fall & hide
But there is a hole within me, I thnk I am falling inside
I try to make thngs happen, I walk that extra mile
But thngs happen to me; my only choice- frown or smile
I choose to smile at the world around & frown at my reflection
coz I guess I am walking the extra mile in the wrong direction