Saturday, July 29, 2006

Aaj phir andhera...

Aaj phir andhera chupke se tere sang nikal raha hai
Bas ungli ke choo jaane se, har ang kyun jal raha hai

Bahane se khaab choone ko kabhi karvatein main le loon
Sargoshi kar jaaon kabhi, natkhat si aahaton se kheloon
Khamoshiyaan jalte dekh har lamha tang sa chal raha hai
Aaj phir andhera chupke se tere sang nikal raha hai

Tere gaal pe haule haule ugte hai kaante
Gardan pe mere, raat bhar chubte hain kaante
Tang hoke toka tha kabhi, ab bhi jang si chal rahi hai
Aaj phir yeh raat chupke se tere sang nikal rahi hai

Roz boondein baraste hain, aaj do aur baras jaaye
Raatein bujh bhi jaaye, ankhon me aahein bas jaaye
Khidki pe tanga gagan ab rang badal raha hai
Aaj phir andhera chupke se tere sang nikal raha hai



(for You-know-who...!)

1 comment:

Anonymous said...

who is 'you-know-who'??
;)